ک/مـــــــیدیا: رێوڕسمی کۆتایی سێههمین کۆنگرهی یهکیهتیی خوێندکارانی دێموکراتی کوردستانی ئێران، کۆنگرهی گهشهی بیری دێموکراتیک، بهڕیوه چوو.
رێکهوتی 12ی بهفرانباری 1390ی ههتاوی، به بهشداریی ئهندامانی رێبهریی حدک ئێران، ئهندامانی دهستهی بهڕێوهبهریی یهکیهتیی خوێندکارانی دێموکراتی کوردستانی ئێران و کادر و پێشمهرگه و بنهماڵهکانیان، رێوڕهسمی کۆتایی سێههمین کۆنگرهی یهکیهتیی خوێندکارانی دێموکراتی کوردستانی ئێران، بهڕێوه چوو.
پاش پێشکهش کردنی سروودی نهتهوایهتیی ئهی رهقیب و راگرتنی خولهکێک بێدهنگی بۆ رێز گرتن له گیانی پاکی سهرجهم شههیدانی رێگای رزگاریی کوردستان، راپۆرتی کۆتایی سێههمین کۆنگرهی یهکیهتیی خوێندکاران لهلایهن غالب حهبیبی، ئهندامی دهستهی بهڕێوهبهریی یهکیهتیی خوێندکارانی دێموکراتی کوردستانی ئێران، خوێندرایهوه.
له بـڕگهیهکی دیکهی رێوڕهسمهکهدا پهیامی پیرۆزبایی یهکیهتیی نێونهتهوهیی لاوانی سوسیالیست، به بۆنهی بهستنی سێههمین کۆنگرهی یهکیهتیی خوێندکاران، کۆنگرهی گهشهی بیری دێموکراتیک لهلایهن رێبوار فانی، خوێندرایهوه.
پاش پێشکهش کردنی گورانییهک، سهربهست ئورمیه، جێگری سکرتێری یهکیهتیی خوێندکارانی دێموکراتی کوردستانی ئێران، سپاس و پێزانینی خۆی ئاراستهی ئهو حیزب و لایهنانه کرد که له پاڵپشتی و پشتیوانیی خۆیان له سێههمین کۆنگرهی یهکیهتیی خوێندکاران، دهربـڕیبوو.
له بهشێکی دیکهی رێوڕهسمهکهدا، بو رێزگرتن له خهبات و تێکۆشانی ئهو هاوڕێیانه که پێشتر له بهڕێوهبهریی یهکیهتیی خوێندکاراندا چالاک بوون، لهوحی رێزلێنان پێشکهشیان کرا.
دوایین بـڕگهی رێوڕهسمهکه به شایی و ههڵپهڕکێی خوێندکاران و بهشدار بووان کۆتایی پێهات.
