ک/مـــــــیدیا: رێژیمی سووریه به هۆی کهمیی قهبارهی زیندانهکان و سهردانی ههیئهتی کۆمکاری عهرهب، بهندکراوان بۆ زیندانهکانی ئێران گواستۆتهوه.
سهرچاوه ئاگادارهکان به ههواڵدهریی "ئهلعهرهبییه"یان گوتووه، سووریه تێکڕای زیندانییه ئێرانییهکانی ئازاد کردووه و بهندکراوانی تۆمهتباری ماده هۆشبهرهکانی بۆ ئێران، راگواستووه.
ئهو سهرچاوه که نهیویستووه ناوهکهی ئاشکرا بکرێت، له وتووێژێکدا به تهلهڤزیۆنی ئهلعهرهبییهی گوتووه: "لهگهڵ هاووڵاتییهکی ئێرانیی مهحکووم کراو به زیندانیی ههتاههتایی چاوپێکهوتنی ئهنجام داوه، ئهو بهندکراوه ئێرانییه گوتویهتی، تێکـڕای هاوبهندهکانی که لهو زیندانهدا به تۆمهتی وێکچووی خۆی دهسبهسهر کرابوون، ئازاد کراون".
ههروهها ئاشکراشی کردووه، ههزاران کهس له بهندکراوانی سووریه به هۆی ئهوهی که قهبارهی زیندانهکان ههڵگری ئهو ههموو زیندانییه نهبوه بۆ ئێران راگوێزراون.
ئهم کارهی رێژیمی سووریه هاوکات لهگهڵ دهسبهکار بوونی چاوهدێرانی کۆمکاری عهرهب له سووریه ئهنجام دراوه.
چاودێرانی یهکیهتیی عهرهب بـڕیاره سهردانی شوێنه جۆراوجۆرهکانی سووریه، بهتایبهت زیندانهکانی ئهو وڵاته بکهن.
