بە پێی هەواڵی كوردپا: دوازدە كەس لە دەستبەسەركراوانی شاری ماكۆ لەلایەن دادگای ئینقلابی حكوومەتی ئیسلامی ئێرانەوە سەرجەم حوكمی 107 ساڵ زیندانیان بۆ بڕایەوە.
بەپێی ئاماری تومار كراو لە ناوەندی ئاماری ئاژانسی هەواڵدەریی كوردپا لە سەرەتای ساڵەوە هەتا ئیستا 12 كەس لەو هاووڵاتیانە كەلەلایەن دەزگا ئەمنیەتی ـ قەزاییەكانی حكوومەتی ئیسلامی ئێرانەوە لە ناوچەكانی شاری ماكۆ دەستبەسەركراوان حوكمەكانیان یەكلایی كراوەتەوە.
دەزگا قەزاییەكانی ئێران تاوانی ئەو 12 كەسەی هاوكاریی لەگەڵ حیزبە كوردییەكانی دژبەری ئێران راگەیاندووە.
سەعید عومەر پوور كوڕی عومەر خەڵكی گوندی زەلكە، 2 ساڵ زیندان ـ عەبدوڵڵا عومەر پوور كوڕی عومەر خەڵكی گوندی زەلكە، 12 ساڵ زیندان ـ محەممەد عومەر پوور كوڕی عومەر خەڵكی گوندی زەلكە، 15 ساڵ زیندان ـ حەسەن چیلان كوڕی عەلی خەڵكی گوندی زەلكە، 15 ساڵ زیندان ـ عەلی چیلان كوڕی گەلۆ خەڵكی گوندی زەلكە، 15 ساڵ زیندان ـ سەعید ئاهۆز كوڕی محەممەد، 15 ساڵ زیندان ـ حاجی جەنگجوو كوڕی عومەر خەڵكی گوندی مخد، 2ساڵ زیندان ـ رۆستەم ئەركیا كوڕی رەحیم خەڵكی گوندی یولاگەلدی، 10 ساڵ زیندان ـ فەرمان ئەفخان كوڕی رەحیم خەڵكی گوندی یولاگەلدی، 1 ساڵ زیندان ـ محەممەد ئەفخان كوڕی عەلی خەڵكی گوندی یولاگەلدی، 1ساڵ زیندان ـ رەسووڵ ئاسف كوڕی یووسف خەڵكی گوندی عەلی جاج، 4 ساڵ زیندان ـ ئەردەشیر دەلایی میلان كوڕی محەممەد خەڵكی گوندی كەندال، 15 ساڵ زیندان.
ئەم هاووڵاتیانە ئێستا لە زیندانی ماكۆ لە حاڵی تێپەڕاندنی حوكمەكانیاندان
