ك/میدیا- بەپێی هەواڵی ئاژانسی هەواڵدەریی كوردپا: پێنج هاووڵاتیی شاری پیرانشار لە كاتی رێوڕەسمی پرسەی دوو ئیعدام كراوی ئەو شارە، لەلایەن هێزە نیزامییەكانەوە دەستبەسەر كران.
بەپێی سەرچاوەكە، سەلاح كەدخودا حەسەن خەڵكی زێوە، جەلال شنۆیی، ئیسماعیل عەجەم، مامە كوڕی مەلا محەممەد و زوبەیر لەلایەن هێزە نیزامییەكانی شاری پیرانشارەوە دەستبەسەر كران.
هەتا ئامادەكردنی ئەم هەواڵە لە شوێنی راگیران و هۆكاری دەستبەسەر كردنیان زانیارییەك لەبەر دەستدا نیە.
ئەو پێنج كەسە لە كاتی رێوڕەسمی پرسەی دوو هاووڵاتیی ئێعدام كراودا دەستبەسەر كراون.
چەند رۆژ لەمەوبەر حەوت كەس بە تاوانی كڕین و فرۆشتنی مادە سڕكەرەكان لە زیندانی شاهروود لە سێدارە دران.
كەماڵ كەدخودا حەسەن خەڵكی گوندی زێوە و حەسەن پوور مەندان خەڵكی گوندی قۆبەی پیرانشار لەنێو ئێعدام كراوەكاندا بوون.
