لە چەند رۆژ لەمەوبەر هێزەكانی سپای پاسداران لە شاری پاوە و دەوروبەری، هەتا كرماشان دەستی داوەتە دانانی بنكە و پایگای نیزامی و خەریكی خۆ تەیار كردنە.
ك/میدیا- به پێی ههواڵی ههواڵدهریی كوردپا، لە شاری پاوە، سپای پاسداران لەسەر جادەی نێوان نەوسوود بۆ پاوە و هەروەها پاوە بۆ كرماشان بە مەودای هەر پێنج كیلۆمیتر بنكەیەكی نیزامیی داناوە و بە خێرایی سەرقاڵی نۆژەن كردنەوەی بنكە كۆنە نیزامییەكانە و هێزێكی زۆری لە شاخەكانی هەورامان جێگیر كردووە.
رۆژانە لە نێو شاری پاوە و شارۆچكەی نەوسوود و لە نێوان جادەی پاوە بۆ كرماشان، مانۆڕی نیزامی و هاتوچۆی هێزەكانی سپای پاسداران رووی لە زیاد بوون كردووە.
هێرشی تۆپخانەكانی كۆماری ئیسلامی بۆ ناوچە سنوورییەكانی هەرێمی كوردستان، لە چەند رۆژی رابردوودا لە زۆرێك لە شار و شارۆچكەكانی كوردستان و بەتایبەت ناوچە سنوورییەكان، جموجۆلی هێزەكانی سپا زیادیان كردووە و لە ئامادەباشیی تەواو دان و بە وتەی خەڵكی ناوچەكە ئەم جموجۆڵە نیزامییانە ترس و نیگەرانییان لەلای خەڵك ساز كردووە.
